بسم الله والصلاه والسلام على رسول الله 0000000وبعد
لا تفسدي رمضانك بتضيع حجابك
الكلام حريمي بس برضه الشباب ليهم دور كل واحد عنده اخته وخطيبته يحاول معانا كل سنه وكلكم بخير ويارب السنه دي نحقق من الايمانيات مالم نحققه من قبل وعشان نعمل ده لازم نضبط شويه حاجات منها الحجاب في الاول اللي مش محجبه انتي مش عايزه تاخدي ثواب الصيام كامل في رمضان يرضيك الناس كلها تاخد الثواب وانتي تنقصي كتير بسبب الطرحه انتي بتاخخدي ذنب عدم الالتزام بلبس الاسلام وثانيا كل شاب او رجل بيشوفك ويتفتن بيكي وتشغليه عن ربنا بتاخدي ذنب عليه وطبعا اكيد انتي بتعدي علي شباب كتير جدا ليه تكوني مسؤله عن كل الذنوب دي في وقت متعرفيش انتي حتحتاجي كام حسنه عشان تكوني من العتقاء في رمضان بصي بقي حتي لو ناويه تقلعيه بعد رمضان البسيه في رمضان حافظي علي ثوابك وده مش حرام البسيه جايز تموتي وانتي محجبه وصايمه وجايز ربنا يثبتك عليه وتحبيه وتكملي بيه وتعملي اللي عمرك متخيلتي انك تعمليه بالسرعه دي جايز رمضان يكون بدايه ليكي فكري كويس وياريت تبدأي ومتتأخريش
وانتي ياللي محجبه نص كم بحجاب قصير جدا وميكب ولبس ضيق جدا حاولي تطولي الطرحه عشان يكون حجابك صح وبلاش الميكب الاوفر علي الاقل في نهار رمضان وبلاش البنطلونات البسي جيبات مؤقتا في رمضان وحافظي علي صيامك وصيام اللي حواليكي اللبس والميكب بيكون ملفت جدا وانتي بحجابك اللي مش صح ده فتنه للشباب وللبنات كمان اللي مش محجبه حتقول حجابك كويس بالنسبالها وجايز تقلدك واللي ملتزمه ممكن تتفتن بيكي وتقول مهي محجبه وعايشع حياتها وترجع عن لبسها والشباب انتي اكيد فاهمه نظرتهم ليكي
يلا بقي كفايه تساهل وجربي تكوني صح علي الاقل عشان رمضان وجايز ترتاحي للبس ده ويابنات حافظوا علي التراويح مع صحباتكم ودورا في المساجد علي الصحبه الصالحه حتلاقوا كتير وصدقوني حتتغيروا
وربنا يثبتنا جميعا واللي تحب تسأل في شيء تسألنا واحنا معاكم واللي حابه تشتري لبس ومحتاجه حد معاها احنا ممكن ننزل معاها واللي معندهاش طرح تقول مستنيين رسايلكم وربنا يوفقنا كلنا لطاعته
وصلى وسلم وبارك على محمد 000عليه الصلاه والسلام
موضوع: انتى والحجاب فى رمضان 
السبت أغسطس 30, 2008 4:42 am
