المشروع هو حفظ كتاب الله؟؟؟؟؟؟

**المشتاق الى الجنة**

تهدف هذه الفكرة إلى حفظ كتاب الله العظيم فى فترة مدتها خمس سنين و تعتمد أيضا على فكرةالمشاركة و المتابعةبين الأفراد المشاركين فى الحفظ.

كيف خمس سنين؟!!
- القرآن تقريبا 600 صفحة (604 تحديدا ) بس قولوا 600.
- كل يوم هنحفظ ثلث صفحة يعنى حوالى 3 آيات.
- بمعنى إن كل 3 أيام نحفظ صفحة بإذن الله.
- يعنى كل 30 يوم 10 صفحات.
- يعنى كل سنة (نقول 360 يوم) يبقى كام 120 صفحة.
- فى خمس سنين يبقى كام ... 600صفحة.

التنفيذ سيتم بإذن الله على الشكل الأتى:
كل يوم جمعة من كل أسبوع سأقوم بتحديدما سنحفظه و ذلك لمدة أسبوع...سأقوم بتحديده يوم بيوم...يعنى هأقول يوم السبت هنحفظ من الأيه كذا إلى الأية كذا...يوم الأحد...و هكذا...وده هيخلينا نتفادى فكرة شكل المصحف و إختلاف عدد الصفحات أنا سأحددها بحيث أن كل ثلاثة أيام ستجد نفسك حافظ صفحة من المصحف المكتوب فى 604 صفحة...أو بشكل أبسط كل شهرين هتلاقى نفسك حافظ جزء...فمافيش داعى للقلق من فكرة الورد أنا هأحددها...المهم نلتزم اليوم بيومه...سيكون هذا فى شكل ملف يتم وضعه هنا فى المنتدى مرة كل اسبوع...و يتم أرساله على المجموعة البريدية الخاصة بنا هذا الملف سيحدد فيه المراد حفظه لمدة أسبوع للأمام...يعنى ما عليك ألا أنزال هذا الملف مرة كل أسبوع.

نتيجة لأقتراحاتكم ...ظهرت بعض الأفكار...و اللى ترتب عليها فكرة مجموعات العمل و مجموعات المتابعة.

أولا مجموعات العمل (الأشتراك بها ليس أجبارى)
هذه المجموعات ليست أجبارية...و من أراد أن يشارك فيها فله الأجر والثواب عند الله... و هى مجموعات عمل ملتزمة بتقديم عملها فى وقت معين و ماهى إلا مجموعة من الأفراد المشاركين معنا سيتطوعوا فى مساعدتنا بتوفير التفسير و أسباب النزول و معانى الكلمات و درس تجويد و الحديث الأسبوعى و الأوامر و النواهى للمساعدة على الحفظ بفهم للأيات علشان يكون حفظ متين بفهم.

و بإختصار مجموعات العمل هى:

1- مجموعة معانى الكلمات:وضع معانى الكلمات الصعبة فى الآيات.

2- مجموعة التفسير:توفير تفسير للآيات...لايزيد عن سطرين أو ثلاثة لكل أية...بحيث أنه يوصل معنى الأية فقط...لا داعى لأى تفاصيل أخرى.

3- مجموعة أسباب النزول:توفير أسباب النزول (إذا توفر) للآيات.

4- مجموعة التجويد:ديه بقى هتكون مسؤليتها أنها كل أسبوع تعرفنا بحكم جديد فى القرآءة ...حكم واحد فقط...و أعتقد بعدفترة ممكن نكون كويسين فى التجويد إن شاء الله...بس ده طبعا لا يغنى عن الممارسة مع شخص عنده فكرة عن التجويد.

5- مجموعة الأوامر و النواهى: و هى مختصة بتجميع الأوامر و النواهى من الأيات و عرضها علينا بأسلوب مبسط و علينا الألتزام بفعل أمر معين أو نهى معين من هذه الأيات و الأتفاق على هذا الأمر طوال أسبوع الحفظ.

6- الحديث الاسبوعى: فيها سنعرض إلى حديث من أحاديث سيدنا محمد صلى الله عليه و سلم....و سنقوم بحفظه إن شاء الله مع الأيات و سيكون مصحوب بشرح للحديث و الأمور الأخرى المتعلقة به.

لكل مجموعة شخص مسؤل عنها سيكون هو/هى المسؤل عن تنظيم العمل فى المجموعة و تقسيم العمل على أفرادها...و على فكرة الموضوع ليس كبير لان مع تقسيم العمل على الأفراد سيجد كل شخص انه مثلا مطلوب منه عمل تفسير صفحة مرة فى الشهر بالكثير قوى ...و بالمثل لبقية المجموعات.

ثانيامجموعات المتابعة: (الأشتراك بها أجبارى)

مجموعات المتابعة عبارة عن تقسيم "ودى"...كل مجموعة من الأخوة مع بعضهم ومجموعة من الأخوات مع بعضهم علشان يتابعوا بعضهم البعض فى الحفظ و كدا...و هيكون لهم قائد كل مجموعة متابعة هى اللى هتحددوا هتكون مهمته يقلنا المجموعة بتاعته شغالة كويس فى الحفظ و لا لأ ...نسبة حفظ الأفراد بها هل كلهم أم بعضهم حفظ....كل مجموعة لها أسم و هيكون فى منافسة بين المجموعات إن شاء الله تشجعنا على الحفظ و هكذا...و إن شاء الله ممكن نعمل مسابقات بنهم كمان...وديه كلنا هنشارك فيها إن شاء الله و ليس لها علاقة بالمجموعات السابقة و غرضها فقط التأكد من الإلتزام بعملية الحفظ ليس أكثر و علشان يكون فى روابط بيننا أكثر و يكون فى أخوة فى الله و إجتماع على هدف جميل.

مجموعات المتابعة عددها 9 مجموعات...غير مختلطة...كل مجموعة عبارة عن عشرة أفراد. أو أكثر قليلا.

ده كان لفترة قريبة....مع الوقت دخل معنا أخوة و أخوات جدد لذلك عملنا تعديل بسيط...كل شهرين أو بمعنى اصح كل ما نخلص جزء فى مجموعتين جدد هيبدأو (واحدة للأخوة و أخرى للأخوات)... يعنى حاليا فى مجموعة من المجموعات (المجموعات الأولى) قربت تخلص الجزء التانى و فى مجموعتين أخريين قربوا يخلصوا الجزء الأول و أول ما يخلصوا فى مجموعتين تانينن هيبدأو إن شاء الله و هكذا يعنى....ديه هتكون مفيدة علشان لو حد وقع مننا ممكن يرجع تانى بسهولة و علشان كمان أخواننا الجدد

تلخيص الفكرة...
كل أسبوع يصلك ملف...يحدد كمية الحفظ لمدة أسبوع قدام و يحتوى على ما ستحتاجه خلال الأسبوع من تفسير و معانى كلمات و غيره...كل المطلوب منك هو أنزال الملف و أتباع الخطةالموضوعةبه.

طبعا طوال مدة الحفظ بنتلقى أقتراحتكم و أى طلبات لكم...عندنا جروب على الياهو بنعمل عليها الأستفتاء التى نريدها على أى أفكار جديدة تطرح.

لو أنت أول مرة تقرأ هذه المشاركة و شايف انك أتاخرت....لا أبدا أحنا بنحفظ فى الشهر نصف جزء فقط فيمكن لأى أحد أن يحصلنا بمنتهى السهولة....أو يجمع معه مجموعة و يكون له ثواب تجمعهم على الخير و يبدأومن الأول بمتابعتنا أيضا مش هنتترككم لوحدكم... و يحاولوا مع بعض و يحطوا خطة بسيطة بحيث أنهم فى مدة معينة يحصلونا و يمشوا معنا....أو يبدأ مع المجموعات التى تبدأ كل شهرين.

_________________

shereen

فكرة تجنن بجد وربنا يوفقكم ويوفقنا ويقدرنا ان شاء الله

shereen

بس ياريت ياجماعة نبدا لاني انا نفسي فعلا احفظ القران ياريت نشجع بعض ونبدا ومستنية ردكم للي عايز يبدا معي انا واخوة افاضل ياريت تردوا عليا لو جادين في هذا الموضوع

**المشتاق الى الجنة**

ان شاء الله يااخت شيرين وانا موافق

وبتمنى بجد نكون مجموعه ونبدأ من الان
وبتمنى كمان من كل عضو مشترك معانا ارسال هذا الموضوع لاكثر من شخص لانضمام معنا فى حفظ كتاب الله الكريم
وجزاكم الله خيرا
ونفعنى الله واياكم لما يحبه ويرضى

_________________

purelight

ميرسي على الموضوع ده و بجد شىء كويس و اتمنى ااننا كلنا نكمل فيه للاخر و محدش يسجل
و جزاك الله عنا و عن امة المسلمين جميعا خير ثواب

اللهم اهدينى

**المشتاق الى الجنة**

ان شاء الله اتمنى من الجميع الاشتراك معانا والانضمام فى هذه المجموعه علشان نقدر نبدأ وجزاكم الله خيرا

_________________

اللهم اهدينى

أن شاء الله انا احب ان أشترك معكم بس كيف هل لازم افتح كل يوم الاميل علشان اشيك على الموضوع أم عن طريق خطة معينة للمتابعة ارجو التوضيح اكثر سوف احفظ معكم بس لازم اعرف متى البدء والله يجعلة طريق الهداية لى والله يتقبل

**المشتاق الى الجنة**

اهلا بيك اختى الكريمه وجزاكى الله خيرا

لسه لحد الان والله ماتفقنا
بس احنا منتظرين الافراد اللى هتشارك معانا
وهنشوف كل واحد والمواعيد المناسبه له ونشوف اقتراحات الافراد وبعد كدا نحدد اذكان ينفع انزل شات على المنتدى لحفظ القران
ان واحد يقرأ والاخرون يرددون وراه ام عن طريق الايميل وبردق عن طريق السمع حتى نقوم بالحفظ
او غيرذلك
بس اتمنى من الجمع ابدأ الاراء وكل اخ واخت لديها اقتراح تقولوه لنا ولا تبخل علينا به
وجزاكى الله خير الجزاء

_________________

ريم الوادي

وانا معكن

_________________
شو بحبك يالبنان
ريم الوادي